Publicidade Radiofusion
Praza do Concello s/n 15500 Fene (A Coruña) Galiza Tfno. 981 492 773 - Fax 981 492 772
Fai de Radiofusión a túa páxina de inicioRSS   BOLETÍN   CONTACTO
http://www.wikio.es
Envíar a Chuza

Radiofusión: A programación das Radios Municipais Galegas

Hoxe é Venres 22 de Xuño de 2018
NOVAS

Fene. Piscina municipal

Á auga patos e patas

Sociedade 21/06/2018
  Envía a túa opinión

A piscina municipal de Centieiras acollerá este sábado, 23 de xuño, a Festa Acuática de clausura das escolas de natación impulsadas polo Concello de Fene, a través da Concellería de Deportes, ó longo do presente curso. Clases nas que toman parte uns 300 nenos e nenas en diferentes quendas e que continuarán ata finais de mes. Na festa deste sábado realizarán diferentes xogos acuáticos con diversos materiais acordes á idade, dende tobogáns ata inchables, tapices flotantes ou lanchas.


Fene. Casa da Cultura.

A Arte dende o berce

Sociedade 21/06/2018
  Envía a túa opinión

A Casa da Cultura de Fene recibiu esta mañá unha visita moi  especial. Os nenos e nenas da Escola Infantil “A galiña azul”, xunto ó equipo docente, achegáronse ata as instalacións culturais para disfrutar das súas propias creacións artísticas. Esculturas, cadros ou siluetas de tamaño real dos propios nenos e nenas reunidos nunha mostra, “Pequenas crianzas coa arte”, que esta semana se inauguraba en Fene. Permanecerá ata o vindeiro 29 de xuño, con horario de visitas de luns a venres de 10 a 13 h e de 16 a 20 h e, os sábados, de 10 a 13 h. O alcalde, Gumersindo Galego, achegouse esta mañá á Casa da Cultura para felicitar ós pequenos e pequenas artistas.


O campus no ano 2016

A ximnasia é vida

Sociedade 21/06/2018
  Envía a túa opinión

O pavillón A Xunqueira de Fene acolle este sabado 23 o Campionato Galego Escolar de Ximnasia, masculina e feminina. Desenvolverase todo odía, de 9.30 a 14h e de 15,30 a 20horas . Organiza o Concello de Fene e colabora a Federación galega de ximnasia. O luns arranca o campus de ximnasia artística e trampolín que se vai celebrar no pavillón do Ramo en Barallobre toda a semana que ven, entre o 25 e o 29 de xuño.


Ría de Ferrol desde Fene

Un San Xoan bochornoso

Sociedade 21/06/2018
  Envía a túa opinión

Galicia vén de despedir unha primavera moi chuviosa na que se rexistraron un 78% máis de precipitacións do habitual para esta época do ano. As chuvias dos últimos tres meses e en especial, as que se recolleron no mes de marzo, converteron a estación na máis chuviosa que se viviu na comunidade desde o ano 1961. A directora xeral de Calidade Ambiental e Cambio Climático, María Cruz Ferreira, fixo un avance esta mañá do informe de MeteoGalicia sobre a pasada primavera, no que se califica marzo como un mes no que choveu máis do triplo do habitual segundo os datos da serie histórica, concretamente un 262% máis. A variabilidade tamén estivo moi presente durante a estación, sobre todo durante maio e abril, durante os que se alternaron períodos moi fríos e húmidos con outros cálidos e secos.


Selección española U20

Elas fan canasta

Sociedade 21/06/2018
  Envía a túa opinión

Mañá comeza a disputarse no pavillón de Esteiro, en Ferrol, un Torneo internacional feminino U20, no que van tomar parte as seleccións nacionais de España, Serbia, Holanda e Hungría. Os catro conxuntos participarán, do 7 ao 15 de xullo, no Europeo, que se celebra na localidade húngara de Sopron, polo que están en plena preparación desa competición. As catro seleccións acudirán mañá, ás 13.15 horas, ao Concello de Ferrol para ser recibidas polo alcalde da cidade e os demais membros da corporación municipal.


Recepción deportistas Fene. Outubro 2017.

Aposta polo fútbol sala

Deportes 21/06/2018
  Envía a túa opinión

O CMI Unidade de Fene segue apostando pola Escola de Futbol sala e abre a inscripción para a próxima temporada  2018-2019. Diversión, xogo e aprendizaxe son os obxectivos desta escola na que se admiten nenos e nenas.

Praza do Concello s/n, 15500 Fene (A Coruña) Galiza - Tfno. 981 492 773 - Fax 981 492 772 Nota Legal
Actualidade Novas Axenda Podcast
Participa Fai Novas Enquisas Foros