Publicidade Radiofusion
Praza do Concello s/n 15500 Fene (A Coruña) Galiza Tfno. 981 492 773 - Fax 981 492 772
Fai de Radiofusión a túa páxina de inicioRSS   BOLETÍN   CONTACTO
http://www.wikio.es
Envíar a Chuza

Radiofusión: A programación das Radios Municipais Galegas

Hoxe é Xoves 21 de Xuño de 2018
Estás en Actualidade > Listado de novas
Buscador de novas BUSCAR
Listado de novas

As Pías, sen auga por un día

Sociedade 20/06/2018
  Envía a túa opinión

Estímase que durará todo o día o corte de auga na Avenida das Pías a causa das obras de renovación da canalización. Os edificios afectados polo corte do suministro foron previamente advertidos de que cando menos estarían sen servicio durante 12 horas, de 8 da mañá a 20:00h de hoxe. As obras entran na última fase coa conexión das novas tuberías. Se todo vai ben hoxe, xa non haberá que cortar máis o suministro de auga e quedaría unicamente rematar o asfaltado da zona afectada.

Recordando o noso

Sociedade 20/06/2018
  Envía a túa opinión

A Casa da Maleta ou o Cine Adriano en Barallobre; os antigos lavadoiros e muíños de Magalofes ou o entorno natural de Sillobre son algúns dos lugares que, durante este mes, están a visitar os veciños e veciñas maiores de 55 anos que acoden semanalmente ós obradoiros “Recordando o Noso” que organiza a Concellería de Benestar Social. Unha serie de andainas polas parroquias que concluirán o vindeiro luns, 25 de xuño, en Limodre cun percorrido polas praias.

Moita sardiña, de calidade e a prezos razonabeis

Sociedade 20/06/2018
  Envía a túa opinión

“Este ano, cando menos ata a data, hai moita sardiña, de calidade e a prezos razonabeis” indica o presidente da asociación O Pote de Maniños Juan José Cabana. Servirán sardiñas preparadas á grella no campo da festa, acompañadas con cachelos e pan de broa.

Juan José Cabana preside a asociación O Pote de Maniños

Querémonos vivas

Sociedade 20/06/2018
  Envía a túa opinión

A concellería de Benestar Social e Igualdade de Fene convocou unha concentración ás 12 da mañá na porta do concello como manifestación de condea polo último asasinato machista acontecido en Porriño (Pontevedra). A víctima é Mª Magdalena Moreira Alonso, unha muller de 47 anos anunciara ao seu home a intención de divorciarse e el decidiu matala antes de se suicidar. É a primeira víctima de violencia machista en Galicia no que vai de ano. Por iso foi a primeira concentración ás portas do concello de Fene á que se sumaron representantes políticos, persoal funcionario e algúns veciños de Fene. A concelleira, Juan Barro, agradeceu a asistencia despois de gardarse un minuto de silencio.

Carpe Diem arrufará este ano a romería do Camiñante Descoñecido

Sociedade 20/06/2018
  Envía a túa opinión

O dúo Carpe Diem e Airiños da Capela arrufarán este ano a romería do Camiñante Descoñecido en Barallobre. As oito da tarde do sábado sete de xullo comezará a servirse unha gran sardiñada no campo da festa. O programa comezará ao mediodía coas tradicionais merendas. As cinco da tarde comezará a camiñada desde o local da entidade ata o Monumento ao Camiñante Descoñecido. Organiza a Liga de Amigos de Barallobre.

Fin de curso da escola BellónMaceiras

Sociedade 20/06/2018
  Envía a túa opinión

A Escola de Música BellónMaceiras celebra o final de curso cun concerto que contará cunha gran participación. Principiará ás sete da tarde do venres 22 no CMIU (Círculo Mercantil e Industrial Unidade) de Fene. 

Un modelo integral de oncoloxía

Sociedade 20/06/2018
  Envía a túa opinión

A medicina na actualidade defende un modelo integral de oncoloxía. “O sistema sanitario debe ter presente que trata con persoas, non con tumores” afirma o psicólogo José Barcia. A oncoloxía visible fala de bioloxía pero a invisible aborda a biografía, as peripecias persoais de cada persoa que padece o tumor. Promocionase a formación de grupos de traballo integrais onde a oncoloxía dialogue coa psicoloxía e co traballlo social para ter en conta os problemas económicos, sociais e de transporte das persoas con cancro.

José Barcia indica que a oncoloxía trata con persoas e non con tumores

Mulleres tiñan que ser

Sociedade 20/06/2018
  Envía a túa opinión

Máis de 250 foron as ilustracións elaboradas por mozos e mozas de centros educativos relacionados coas artes que participaron no concurso para a elaboración do Catálogo Ilustradas, posto en marcha por Promove, Consultoría e Formación SLNE, proxecto galardoado cun dos premios Luísa Villalta de proxectos culturais pola igualdade, convocados pola área de Cultura e Igualdade da Deputación da Coruña. Este venres entregaranse os premios na sede da institución nun acto en que tamén se presentará o catálogo. Alumnas e alumnos de centros de ensino de Santiago de Compostela, A Coruña e Ferrol recibirán este venres o premio pola súa participación no Concurso Catálogo Ilustradas no que se recibiron máis de 250 ilustracións que retrataban mulleres pioneiras en distintas disciplinas.

 

 

"> Compartir |
Envíar a Chuza
Praza do Concello s/n, 15500 Fene (A Coruña) Galiza - Tfno. 981 492 773 - Fax 981 492 772 Nota Legal
Actualidade Novas Axenda Podcast
Participa Fai Novas Enquisas Foros