Publicidade Radiofusion
Praza do Concello s/n 15500 Fene (A Coruña) Galiza Tfno. 981 492 773 - Fax 981 492 772
Fai de Radiofusión a túa páxina de inicioRSS   BOLETÍN   CONTACTO
http://www.wikio.es
Envíar a Chuza

Radiofusión: A programación das Radios Municipais Galegas

Hoxe é Domingo 22 de Abril de 2018
Estás en Actualidade > Listado de novas
Buscador de novas BUSCAR
Listado de novas

Os lavadeiros, fonte de recursos e de socialización para as mulleres

Sociedade 21/04/2018
  Envía a túa opinión

O V Encontro de Lavandeiras de Sillobre celebrase o sabado 5 de maio. Unha churrascada ao mediodía; a recreación do lavado pola tarde e un festival folck pola noite son o trípode dunha festa que recoñece un oficio feminino, o das mulleres de Sillobre que lavaban para as familias ferrolás. O programa comenza cunha misa ás 13,00h na honra das lavandeiras e cunha churrascada ás duas da tarde. O forte da cita empeza ás 16.30h coa saída en lancha do peirao de Perlío para atravesar a ría ata Ferrol. As persoas que desexen participar deben inscribirse previamente porque as prazas da lancha son limitadas.

Aumenta o malestar da cidadanía do lugar de Santa Ana

Sociedade 20/04/2018
  Envía a túa opinión

A cidadanía de Santa Ana concentrouse esta tarde nas beiras da Nacional 651 ao seu paso por Fene reclamando accesibilidade. Afirman que continuan incomunicados tras catorce semanas despois da instalación da mediana na estrada. Para chegar ao centro de Fene -distante un quilómetro- agora deben percorrer seis quilómetros ao ter que desprazarse ata Vilar do Colo para realizar o cambio de sentido. 

Ondiñas veñen...

Sociedade 20/04/2018
  Envía a túa opinión

Os cantos de taberna soarán en sete bares de Fene, o domingo 22 de abril ao mediodía. Será e II edición do Certame Cantos de Taberna que organizan sete establecementos de hostelería de Fene, situados nas avenidas Naturais e do Concello. Na Avda Naturais de Fene ubícanse o Roibén, Bicos, Lembranza, Camarote e o Xala. Na Avda do Concello, A Ponte e Pachamama. A música popular soará entre as 12:30 e as 15:30 horas.

Rosa Balseiro

Poesía e Historia en Artabria

Sociedade 20/04/2018
  Envía a túa opinión

O Colectivo Literario Moraima protagoniza un recital ás 20:00 horas, no local social da Fundaçom Artabria, en Esteiro (Ferrol). Poemas relacionados ou escritos para rememorar acontecementos históricos ou relevantes da comarca de Ferrolterra. Dende as Irmandades da Fala ata o Discoverer Enterprise, pasando pola reconversión industrial, un amplo abano de feitos que nos marcaron. Poesía e Historia, da man, nas vísperas do Día do Libro.

Poesía agachada na praza de abastos

Sociedade 20/04/2018
  Envía a túa opinión

”Hai moita poesía agachada na praza de abastos” afirma Carlos Valle Karlotty. "Este ano imos facer unhas improvisacións poéticas a partir dos peixes". Unha vez máis os poetas acudirán aos mercados e ás rúas nas voces dos seus criadores. Do mércores 25 ao sábado 28 de abril xogaráse cos silencios das palabras, “para dar alegría e para combatir” afirma Karlotty. A undécima Semana da Poesía Salvaxe distribue A Palabra Encarnada polas rúas do barrio da Magdalena e de Caranza.

Karlotty debulla o programa da XI Semana da Poesía Salvaxe

Unha cuestión persoal

Sociedade 20/04/2018
  Envía a túa opinión

"A moción de censura de Fene é froito dunha cuestión persoal", afirma a concelleira de EU, Mª Carmen Martínez, quen acusa ao voceiro socialista, Antón Noceda, de fraguar a iniciativa, a pesar de non firmala porque lle custaría a expulsión do seu partido. Así pensa a edil de EU que abandonou a súa responsabilidade na área de traballo social tras a moción. Un lugar no que, afirma, "traballei a gusto"  si ben deixa pendente a aprobación das ordenanzas nesa materia.

Mª Carmen Martínez

A bolsa secreta

Sociedade 20/04/2018
  Envía a túa opinión

A bolsa secreta é unha mistura das cociñas xaponesa, mexicana, brasileira e galega. Consiste nunha gyoza (empanadilla xaponesa) con recheo de centolo e gambón, acompañado dunha crema de Bobo de camarâo (típica de Salvador de Bahía). Deitase nun nacho mexicano que actua como cama cunha emulsión de guacamole. Todo vai peiteado cunha crema de xenos e unha reducción de Pedro Ximenez con fresa para aportar frescura. Cocíñase ao vapor.

José Antonio García da conta da elaboración da bolsa secreta

Gastronomia mariñeira en Mugardos de pinchos

Sociedade 20/04/2018
  Envía a túa opinión

Vinteun establecementos participan no campionato Mugardos de pinchos. Poderánse probar os venres pola tarde e sábados todo o dia desde esta tarde ata o sábado 12 de maio. Haberá premios de 400 e de 200  euros en metálico que se sortearán entre as persoas participantes. Tamén un galardón dunha visita para duas persoas a Bodegas Altanza na Rioxa.

José Antonio García explica as novidades de Mugardos de pinchos
Praza do Concello s/n, 15500 Fene (A Coruña) Galiza - Tfno. 981 492 773 - Fax 981 492 772 Nota Legal
Actualidade Novas Axenda Podcast
Participa Fai Novas Enquisas Foros