Publicidade Radiofusión
Praza do Concello s/n 15500 Fene (A Coruña) Galiza Tfno. 981 492 773 - Fax 981 492 772
Fai de Radiofusión a túa páxina de inicioRSS   BOLETÍN   CONTACTO
http://www.wikio.es
Envíar a Chuza

Radiofusión: A programación das Radios Municipais Galegas

Hoxe é Martes 24 de Outubro de 2017
Actualidade > Ficha da nova
Ficha da nova Enviar comentario

A moción de censura debateráse o xoves 26 de outubro


Gumersindo Galego é o candidato á alcaldía

Gumersindo Galego, Rocío Bértoa, Juan Franco, Juana Barro, Andrés Serantes, Alejandro Gutiérrez, Ana María Novo, Xoan Manuel Rodríguez Bastida e César Castro son os 9 asinantes da proposta de moción de censura rexistrada  hoxe pouco despois das 14.00h. no Concello de Fene, onde  PP e Somos Fene propoñen a Galego como próximo alcalde do municipio en substitución de Juventino Trigo. Tralo rexistro da petición a lei marca un prazo de dez días hábiles para a celebración dun pleno no que se trate a cuestión como único punto da orde do día, de maneira que esa sesión, de non haber nada que o impida, terá lugar no salón de plenos o próximo 26 de outubro ás 12.00h. Trátase da primeira moción de censura presentada na Corporación de Fene desde as eleccións de 1979

Sociedade11/10/2017Autor: Redacción

A convocatoria do pleno de moción de censura é automática tralo rexistro da mesma e a preceptiva comprobación de que se cumpren os requisitos para que poida prosperar, é dicir, que sexa suscrita, como mínimo, por un número de concelleiros que supoña a maioría absoluta da corporación -en Fene fan falla 9- e que as sinaturas avalando a moción estean recoñecidas perante notario ou a secretaría municipal. 

Outra das esixencias normativas é a de que no escrito se propoña novo nome para ocupar a alcaldía que, neste caso, sería o de Gumersindo Galego. O portavoz do grupo municipal do Partido Popular accedería de novo ao posto que xa ocupara entre 2011 e 2015, aínda que desta vez co apoio de Xoán Manuel Rodríguez Bastida e César Castro, os dous edís de Somos Fene que recentemente obtiveron unha suspensión cautelar por parte do Xulgado do Contencioso Administrativo ao respecto da súa expulsión de Participación Democrática Directa de Galicia, o partido instrumental co que concorreron ás municipais, e da conseguinte consideración como non adscritos dentro do salón de plenos.

Como se recordará, xa no mes de xuño houbera unha tentativa de presentar a moción  que se viu truncada pola expulsión in extremis de Bastida e Castro da agrupación electoral que amparou a candidatura de Somos Fene. Unha circunstancia que daquela -de acordo coa lei- elevaba de 9 a 11 o número de edís necesarios para que a censura saíse adiante.

Agora a suspensión cautelar da medida adoptada no seu día polo PDDdeG volve facer cadrar as contas, de maneira que a suma das sinaturas dos sete edís do PP e os dous de Somos Fene avalan a presentación da moción e, en principio, tamén a maioría necesaria para que se concrete o cambio de alcalde o próximo día 26.

A normativa local define tamén como se vai desenvolver o pleno, que estará presidido por unha Mesa de idade asistida pola persoa que faga nese momento as funcións da secretaría municipal.

A Mesa limitarase a ler o texto da moción de censura e a cederlles a palabra, por esta orde, ao candidato á alcaldía, ao alcalde e aos portavoces de cada grupo, que poderán exercer ou non ese dereito. Tralas intervencións votarase a moción que, de prosperar por maioría absoluta -9 votos de 17 posibles-, suporá a proclamación do novo alcalde.
 
A Corporación de Fene formanna 7 ediles do Partido Popular, 4 do BNG, 1 de Esquerda Unida, 3 do PSOE e 2 de Somos Fene. Tras as eleccións formouse un goberno de coalición entre o BNG, PSOE e Somos Fene. Ao ano o alcalde retiroulle as competencias aos concelleiros socialistas e de Somos Fene, incorporando ao goberno á concelleira de Esquerda Unida. Desde aquela Juventino Trigo goberna en minoría. 


Comentarios:
Praza do Concello s/n, 15500 Fene (A Coruña) Galiza - Tfno. 981 492 773 - Fax 981 492 772 Nota Legal
Actualidade Novas Axenda Podcast
Participa Fai Novas Enquisas Foros