Envía a túa opinión
A Gramola gominola estrea novas cancións e libro disco. “Cancións para desafinar” sae ao mercado a vindeira semana e presentano cun concerto espectáculo, este sábado un de abril as seis e media da tarde no Pazo da Cultura de Pontevedra, dentro da programación do Salón do Libro Infantil e Xuvenil.
Envía a túa opinión
Máis de 1.500 persoas tocan música tradicional en Galicia. Outras tantas adícanse ás múltiples variantes do rock. Nas orquestras participan máis de 3.000 e dise que hai 10.000 gaiteiros. Son cifras aproximativas, pero en calquera caso falan da abondosa produción musical galega. Ademáis de cantidade, tamén hai moita calidade, segundo o músico Paco Cerdeira, de A Gramola Gominola e de Zenzar.
Envía a túa opinión
Baltasar Merino desempeñou un papel fundamental na botánica en Galicia a comezos do século vinte. Ata daquela coñecianse 1000 especies da flora. El catalogou ata 1845 e na actualidade distínguense perto de 2.500 especies,segundo Francisco José Silva do centro de investigación forestal de Lourizán.
Envía a túa opinión
O Concello de Fene convoca unha concentración en contra da violencia machista. As doce deste mediodia diante da Casa do Concello en repulsa polo caso acaecido na tarde noite de onte en Redondela.
Envía a túa opinión
En 69.600 fogares galegos toda a familia está no paro, segundo a Enquisa de Poboación Activa do cuarto trimestre do 2016. Segundo a EPA, 204.200 persoas carecen de emprego en Galicia. Perderon o emprego nese periodo 8.300 mulleres e homes.
