Envía a túa opinión
O concello de Fene participará activamente na movilización convocada por Rumbo 21 o sabado 27 en Ferrol. Por unanimidade todolod grupos municipais apoian a convocatoria. A sorpresa déuna o grupo socialista que, unha vez aceptada unha enmenda á moción de Rumbo 21 trasladada ao pleno por BNG e PP, decidiu votar afirmativamente os postulados do colectivo que pide a retirada do veto ao estaleiro fenés.
Envía a túa opinión
Perto de 450 escolares participarán este venres na celebración do Día da Árbore organizada pola área de Medio Ambiente do Concello de Fene. Os alumnos e alumnas chegarán ás dez da mañá ao Monte Marraxón, concretamente ao lugar de Reboredo, para prantar unha árbore cada un co fin de involucralos e sensibilizalos na protección da natureza.
Envía a túa opinión
O IES de Fene organizou unha charla Informativa sobre o Bacharelato que correrá a cargo da orientadora educativa, e do director do IES de Fene, Xoan Vázquez. A charla diríxese ao alumnado de 4º da ESO dos centros educativos de Fene, así como ás súas familias. Celébrase ás 7,30 desta tarde na Casa da Cultura de Fene. Optaron por realizar a charla antes da Semana Santa, porque o prazo de inscrición en bacherelato remata o martes 6 de abril, xusto despois das datas festivas, segundo o director do IES de Fene, Xoan Vazquez.
Envía a túa opinión
Xa hai data. Será este venres ás sete e media da tarde cando se inaugure a nova Praza de España nun acto sinxelo e aberto á cidadanía. Anunciouno así esta mañá o alcalde de Ferrol, Vicente Irisarri quen supervisou a marcha das obras e percorreu o perímetro da praza. O rexedor amosouse satisfeito por ter cumprido os prazos previstos. Destacou que era a primeira vez que pisaba este lugar emblemático da cidade que sempre foi un punto de paso da circulación e que agora se transforma nun espazo de estancia e de lecer a disposición de todos os ferroláns.
Envía a túa opinión
O programa de radio As Crónicas de Centieiras, elaborado por alumnos e alumnas do Colexio de Educación Infantil e Primaria Centieiras de Perlío (Fene A Coruña) en Radiofusión, ven de recibir unha MENCION ESPECIAL na Festa da Comunicación Local que organizou a Deputación de Barcelona o pasado venres na localidade de Viladecans.
