Envía a túa opinión
Ata seis tipos de cregos aparecen na novela de Manuel Gago “O anxo negro”. A obra ofrécenos unha auténtica radiografía da igrexa en Galicia, pero vai moito máis alá e debulla unha trama desatada a partir do roubo dunha imaxe moi venerada nunha parroquia da costa. Gago elabora unha narración hipertextual, con anotacións e sucesivas “ligazóns”, saltos adiante e atrás nun relato cinematográfico no que o vento aparece como un persoaxe máis.
Envía a túa opinión
Paco Barreiro convídanos a xogar coa lingua en “Beixos de lingua”. Brincadeiras co idioma e tamén co apéndice bucal. Os palíndromos, caligramas e trabalinguas compiten para provocar o riso e o sorriso na persoa lectora. Quen se achegue a este volumen terá o risco de repetir e repetir igual que a froita de óso no verán.
Envía a túa opinión
“O inicio de Leonel é unha viaxe en tren que lembra o traxecto de Ferrol a Miño que eu facía moitas veces na miña adolescencia” lembra o escritor Antón Cortizas, autor da novela Leonel, ambientada en Grandal (Vilarmaior). O uso das novas tecnoloxías pode empobrecer a forma de falar da poboación e en particular da mocidade, advirte Antón Cortizas. A lectura enriquece e o manexo de vocabulario amplia as posibilidades de comunicación. “O horizonte, a utopia é o que permite que as persoas intenten buscar a bondade” indica Cortizas.
Envía a túa opinión
“A poesía é fundamentalmente presente pero tamén é tradición” afirma o escritor Cesáreo Sánchez Iglesias, quen salienta a necesidade de ofrecer linguaxes novas e de actualidade, dentro da voz poética. Con este libro o autor emprende unha viaxe arredor da música, unha arte fráxil maís tamén poderosísima. Unha arte, asemade, indócil á representación. Falamos de Tempo transfigurado, con Esther Val, Andrés C.M.Riveira e Anxos García Fonte.
