Envía a túa opinión
Un paso máis cara á igualdade no rural. Isto é o que significa a sentencia do Tribunal Superior de Xustiza que vén de fallar a favor dunha gandeira que pedía a equiparación dos seus dereitos fiscais aos das traballadoras doutros ámbitos. A presidenta de Fademur, Rosa Arcos, explicou nos micrófonos de Radiofusión en que consiste exactamente esa decisión xudicial e que pode supor para o resto de mulleres do agro. Este asunto, xunto coas últimas declaracións da Ministra do Medio Rural arredor da crise do sector lácteo, centraron o programa Onda Rural.
Envía a túa opinión
Viño e alcohol xa non son termos que vaian necesariamente unidos. Unha empresa galega lanzará ao mercado o primeiro tinto 0,0 do mercado estatal. O programa Onda Rural deu a coñecer este proxecto a través das voz da súa impulsora, Sonia Pérez, e recolleu as primeiras palabras do novo conselleiro de Medio Rural, Samuel Juárez.
Envía a túa opinión
Logo de anos de proxectos e obras, e despois de varias semanas de portas abertas que funcionaron como toma de contacto, o Centro de Interpretación do Viño Ribeira Sacra vén de inaugurarse oficialmente. Situado no edificio da antiga Casa Consistorial e compartindo espazo coa sede do Consello Regulador da Denominación de Orixe vitivinícola, o centro aspira a promocionar estes caldos e, ao mesmo tempo, todos os atractivos turísticos da comarca.
Envía a túa opinión
A Plataforma Galega Antritransxénicos convoca á cidadanía a mobilizarse mañá sábado en Zaragoza en contra dos alimentos xeneticamente modificados. O acto reivindicativo está convocado por Plataforma Rural e Greenpace e pretende converterse nun berro colectivo para expresar ao goberno e as multinacionais o rexeitamento a estes organismos e a defensa dunha alimentación saudable. O programa Onda Rural informou sobre este asunto e recolleu tamén a resposta do Ministerio á protesta en defensa do sector lácteo que miles de gandeiros protagonizaron onte en Madrid.
