Publicidade Radio Fene
Praza do Concello s/n 15500 Fene (A Coruña) Galiza Tfno. 981 492 773 - Fax 981 492 772
Fai de Radiofusión a túa páxina de inicioRSS   BOLETÍN   CONTACTO
http://www.wikio.es
Envíar a Chuza

Radiofusión: A programación das Radios Municipais Galegas

Hoxe é Venres 20 de Xullo de 2018
NOVAS

Cartaz da ruada. Ferrol

A bandeira galega na xanela

Sociedade 20/07/2018
  Envía a túa opinión

Dez entidades do ámbito do soberanismo, entre elas o Bloque Nacionalista Galego, participarán mañá na Ruada patriótica, convocada en Ferrol para comemorar o Día da Patria Galega baixo o lema de: Avante a República Galega. Propoñen colgar das xanelas a bandeira galega.


Libro

Divinas Palabras

Sociedade 20/07/2018
  Envía a túa opinión

A versión en galego da obra teatral de Valle-Inclán Divinas Palabras realizada por Manuel Cortés e Xron para o espectáculo do Centro Dramático Galego (CDG) "Divinas Palabras Revolution. Traxicomedia de aldea global" é obxecto do terceiro número da colección editorial O Papel do Teatro, creada para darlle difusión aos textos das producións propias da compañía pública galega. Trátase dunha edición de peto de 80 páxinas, con fotografías a cor que reproducen algunhas das escenas de Divinas Palabras Revolution, estreada polo CDG o pasado 12 de abril no Salón Teatro de Santiago baixo a dirección de Xron, e que tivo realizado funcións noutros oito escenarios galegos (Carballo, Ourense, O Barco de Valdeorras, A Coruña, Pontevedra, Rianxo, Vigo e Cangas) e no Teatro Español de Madrid.


Concello de Fene

Na morte de Judit non hai rastro de piedade

Sociedade 20/07/2018
  Envía a túa opinión

A violencia machista tocou de novo a Galicia. As traballadora e traballadores do concello de Fene, igual que no resto da comarca acudiron á convocatoria da Concellería de Benestar e Igualdade na porta do Concello para condear o último asasinato machista, o de María Judit Martíns Alves, acontecido na Coruña. É a segunda víctima da violencia machista no que vai de ano en Galicia e fai a número 22 no conxunto de España. O alcalde de Fene e outros representantes da corporación municipal se sumaron ao acto, no que Gumersindo Galego pedíu uns minutos de silencio.


Cartaz do Monólogo en Limodre

Os tríos non son fáciles de manter

Sociedade 20/07/2018
  Envía a túa opinión

A AVV de Limodre ofrécenos un Monólogo mañá sabado 21 ás nove da noite. Sabela Amado Rojo presenta Dunning& Kruger y otras "Heteromariconadas". Un texto que a actriz, nacida en Vimianzo, tiña moitas gañas de escribir sobre o movemento LGTBI. Sabela Amado está embarcada actualmente neste formato de monólogo, no que ela soa se enfrenta ao público, utilizando a voz e outros recursos dramáticos.


Escena da obra. Os Bolechas

Os Bolechas chegan a Ferrol

Sociedade 20/07/2018
  Envía a túa opinión

O "FalaRedes" chega a Ferrol. Os Bolechas visitan o domingo a Capela do Centro Cultural Torrente Ballester de Ferrol. Trátase dunha nova función da peza "Os Bolechas e o amigo Monte" pensada para concienciar ás familias da necesidade de preservar os nosos montes a través dunha proposta que combina lingua, ecoloxía, lecer e a participación do público.  Comezará o domingo 22 ás  18:00 horas.


Daniel

Daniel segue a sorrir

Sociedade 19/07/2018
  Envía a túa opinión

O profeta Daniel está a sorrir. Na Biblia preséntase, ademais, como avogado da xente nova, valedor da moza Susana e máis testemuña da liberación dos tres rapaces hebreos condeados polo rei de Babilonia. É quizais a figura máis coñecida do Pórtico da Gloria da catedral de Santiago, que ven de resturarse recentemente.

Praza do Concello s/n, 15500 Fene (A Coruña) Galiza - Tfno. 981 492 773 - Fax 981 492 772 Nota Legal
Actualidade Novas Axenda Podcast
Participa Fai Novas Enquisas Foros