ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Hosteleiros da comarca do Eume inauguran mañán venres, na Escola de Hostelería de Pontedeume, as I Xornadas gastronómicas adicadas á “Tenreira cachena” unha especie autóctona en perigo de extinción e propia da baixa Limia. Do 13 ao 23 de marzo, en sete restaurantes.
A tenreira cachena merece toda a atención dos restaurantes para poñela en valor. Nada mellor para iso que comela acompañada doutros productos nosos. O presidente da Asociación de empresarios TUREUME, Antonio Díaz Calvo, explícanos como é a raza cachena. Un total de sete restaurantes da comarca do Eume, dende As Pontes ata Cabanas, participan nas primeiras xornadas da tenreira cachena, un producto de altísima calidade e do que se aproveita todo, como do porco. Cada un elaborará os pratos que os cociñeiros consideren oportunos con esa materia prima, segundo Jesús López, do restaurante 5J das Pontes. Xarrete, osobuco, carrilleiras, ao caldeiro, modalidades ao gusto atoparemos nos sete restaurantes que participan das I Xornadas da Tenreira Cachena no Eume. Son, Andarubel e A Pitanza (Pontedeume); A Palma e Casa Peizás (A Capela); Casa Garabana (Vilarmaior) e A Solana (Cabanas).Os hosteleiros do Eume retan á crise, despertando, dinamizando o sector. Segundo Carlos Regueiro, propietario do restaurante “A Pitanza” de Pontedeume, afirma que “non podemos quedar estancados” As xornadas empezan o 13 e rematan o 23 de marzo.