O director de construción naval de Navantia, Ángel Recamán, destaca que a relación coa Armada vai máis aló dun trato entre o proveedor e o cliente. Pódese definir como un matrimonio de conveniencia. Segundo Recamán, apóstase por un modelo de fidelidade compatible con acordos a longo prazo dun xeito tecnicamente eficaz. A calidade e a prevención son os compoñentes básicos da empresa, aos que engade as catro ies: internacional (o coñecemento dos idiomas, especialmente o inglés), innovación (coñecementos de enxeñería), información (informática) e a integración.

Navantia continúa apostando pola construción integrada, con atención á calidade, mellora de prazos e de custe. Pretende tamén aumentar a flexibilidade da produción e lograr unha mellor distribución.