Últimos días para solicitar as axudas do bonobús universitario

Últimos días para solicitar as axudas do bonobús universitario

10 de Outubro, 2009 - 12:00 h. | Publicada por Radio Fene

A Concellería de Cultura, Deporte e Xuventude de Fene manten aberto o prazo de solicitude do bonobús universitario ate o vindeiro 20 de outubro. O obxectivo da convocatoria é favorecer o desprazamento do alumnado que curse estudos universitarios e precise do autobús para trasladarse dende Fene ate a Coruña.

Estar empadroado no Concello de Fene, cursar estudos universitarios na Coruña, e non superar os máximos de renda por unidade familiar establecidos nas bases, son os principais requisitos para acceder ás axudas do bonobús universitario. As persoas interesadas deben presentar a súa solicitude e a documentación requerida no Rexistro Xeral do Concello (en días laborabeis e en horario de 9:30 h. a 13:00 h.). O prazo remata o vindeiro 20 de outubro. De tódolos xeitos, os alumnos que no momento de presentar o formulario lles falte algún documento, terán de prazo ate o 30 de decembro para entregalo.

Sociedade