Algo tiñan Martes y Trece para que haxa sketches enteiros que son capaz de recitar de memoria en compaña dalgún amigo con maior confianza da que tiña Laurence Olivier interpretanto a Hamlet, príncipe de Dinamarca. Paca Carmona, o Dúo Baqueira e as súas sevillanas pijas, a empanadilla de Móstoles e tantos outros números son historia catódica da gargallada para milleiros de persoas, pero a Josema e Millán se lles rompeu o humor de tanto usalo. Ademais, todo apunta a que acabaron como o rosario da Aurora. Millán dedícase ao teatro, e Josema fixo o propio, mais na vinganza máis cruel que pode argallar un antiguo compañeiro, quere repetir gloria nun dúo cómico, demostrándolle ao ex que hai que pode cubrir o seu lugar.

Ese humorista de reemplazo é Florentino Fernández. Josema e Flo viven unha relación humorística na que todos sabemos que é imposible atopar esa paixón orixinal do primeiro amor, pero que aínda dá para ir tirando quentiño e, de cando en vez, botar un sorriso. Martes y Trece 2.0 ou, mellor dicir o verdadeiro título, “¿Y ahora qué?” é o show de humor de Josema e Flo que se emite en Televisión Española ás dez e cuarto da noite.