Non hai historia máis acaída para a canle que ten en España os dereitos de CSI que esta na que se produce o asasinato da concursante dun reality show. Dúas mulleres rifan polo corazón dun home que debe escoller entre unha delas para gañar un premio dun millón de dólares. Mais antes de que poida facer pública a súa nominación, a unha das pretendentes expúlsana directamente ao limbo. A súa morte descubre que tralo amor televisivo existen unha tépeda rede de intereses tecida pola dirección do programa e os propios concursantes. Con esa cara de noxo terrible que leva por máscara David Caruso, que de cativo debía parecer un querubín grazas a ese pelo cenoria que gasta, tentará resolver o catódico crime. “CSI Miami” emítese ás dez da noite en Telecinco.