“A fin da era Gutenberg?” é a pregunta que se fai o espazo de debate “Falámolo” e que xunta a editores para manifestar as súas inquietudes fronte á reconversión do seu negocio analóxico en dixital, un proceso que rite ti da reconversión naval. O libro electrónico como artefacto de comodidade e biblioteca portátil aporta unha morea de novas posibilidades, pero ningunha delas románticas e, cando se fala da palabra escrita, aínda temos certos reparos idealistas. A transición, contan, está en marcha, pero avanza moito máis devagar que a que converteu os discos de música en obxectos de exposición. Con todo, a cada día que pasa, menos motivos quedan para crear bibliotecas museísticas que amoreen en troques de dixitalizar, se cadra un concepto no que non se pensou ao deseñar a obra do Gaiás. Para non pasar a vergoña de recoñecelo, a televisión pública galega programou “Falámolo” a unha hora prudente na que se asegura que non o vexa ninguén: ás dúas e cuarto da madrugada.