Outras conmemoracións no 12 de maio na cidade:

As enfermeiras e enfermeiros saen á rua neste seu día Internacional, para denunciar a precariedade coa que desenvovlen o seu traballo, afectado polos recortes e a crise. O colectivo pon o acento en que non se cubren as baixas por enfermidade ou vacacións, co que iso supón de perxuicio para eles e en consecuencia para os pacientes.  Hoxe saen á rua para recoller sinaturas contra os recortes e enviarllas á Ministra Ana Mato. En Ferrol ubicouse unha mesa informativa e de recollida de firmas xa dende as 10 da mañán na Praza de Armas.

Tamén coloca mesas informativas e petitorias en Odeón e na Praza da Gándara a Asociación Affinor, que tamén denuncian como as subvencións que recibían se reduciron drasticamente. Affinor acolle a persoas que padecen Fibromialxia e Fatiga Crónica.