Neste apartado, o xurado terá en conta a retranca, o inxenio, o ritmo e a linguaxe empregada polos participantes, mentres que no apartado de interpretación valoraráse o vestiario, a posta en escea, a sincronizacións e a afinación das voces así como a utilización de elementos de acompañamento como paos, pandeiros, etc.. e o uso de prendas que estean de acordo co modelo tradicional (boina, camisa branca e pantalóns con remendos).

Competirán no apartado de maio tradicional os construídos empregando materiais como madeira, laranxas, ovos, xestas ou fiúncho, mentres que no maio artístico poderase empregar calquer tipo de material.

Os interesados deberán formalizar as súas inscricións no Multiusos da Xunqueira antes de finalizar o mes, en horario de 09.00 a 14.00 horas e de 17.00 a 20.00 horas.