ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
O proxecto da auga para Magalofes e San Marcos está mais perto, cando menos retomouse. Esta mañá encargouse á empresa redactora a súa actualización e deuse vía libre para a compra do terreo onde se ubicarán os depósitos.
A AVV de Magalofes acolleu esta mañá a reunión de varias administracións para estudar o proxecto de suministro de auga á parroquia de Magalofes e San Marcos. Na xuntanza participaron o presidente da Asociacion Veciñal, o alcalde de Fene, o enxeñeiro redactor do proxecto, o presidente da Deputación e o Xefe territorial da Xunta de Galicia. Na reunión deuse conta da partida reservada para a compra dos terreos nos Orzamentos de 2019, que xa son definitivos despois de transcurrido o periodo de alegacións. Tamén se falou da idoneidade da parcela elexida que cumple todos os requisitos legais e xeográficos para o cometido que terá, albergar os depósitos de suministro de auga. As xestións levadas a cabo co propietario que pide 4.300 euros por unha superficie de 2.500 metros cadrados xa están realizadas tamén. Segundo aclarou Gumersindo Galego, o proxecto inicial ten dez anos porque foi redactado en 2008. Polo tanto o primeiro paso será actualizalo e despois volverá a convocarse unha nova xuntanza para ver a aportación que pode facer cada administración. O custo do anterior proxecto de 2008 alcanzaba o millón de euros, co IVE incluído. Despois de todo este tempo supónse que agora o custe será algo máis elevado.
Publica o teu comentario agora