ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
A Guarda e Goián, no concello de Tomiño, acollerán un ano máis a Mostra de Teatro non Profesional do Miño que neste 2009 chega á súa terceira edición. Un evento que se está a converter en referente da primavera cultural do Baixo Miño e que se celebrará entre o 24 e 26 de abril. Previamente, a Asociación Cultural "Feixó de
A Mostra de Teatro non profesional do Miño continuará mantendo o rumbo transfronteirizo que asumiu con convicción o ano pasado. Deste xeito, participarán compañías non profesionais chegadas de calquera punto de Galicia e de Portugal.
Bases polas que se terán que rexer todas as compañías participantes:
1ª A Mostra de Teatro do Miño é organizada pola Asociación Cultural Feixó de Araúxo.
2ª A Mostra celebrarase nas vilas de Goián e A Guarda os días 24, 25 e 26 de abril de 2009.
3ª Poderá presentarse a esta convocatoria calquera grupo de teatro non profesional (escolar e afeccionado) con obras en lingua galega ou portuguesa.
4ª Para participar deberán enviar, antes do 21 de marzo do 2009 a seguinte información:
-Datos do grupo (nome, enderezo, teléfono de contacto,e-mail).
-Título da obra, autor e sinopse da mesma.
-Condicións técnicas necesarias para a representación.
-6 copias gravadas en DVD da obra completa que se presenta á Mostra.
5ª Os grupos poden presentar máis dunha obra pero só poderá ser seleccionada unha por cada grupo.
6ª Esta documentación deberán remitila ao seguinte enderezo:
Asociación Cultural Feixó de Araúxo
Mostra de Teatro do Miño
Paseo de Portugal, 21
36780 A GUARDA
GALIZA
7ª O xurado encargado de valorar os traballos presentados estará constituído por:
- A Presidenta da Asociación Cultural Feixó de Araúxo ou a persoa en quen delegue.
-Profesionais do teatro galego e portugués.
-Unha persoa designada polas institucións patrocinadoras.
8ª De todas as obras que se presenten, o xurado escollerá seis, que serán as que participen na Mostra. Esta decisión comunicaráselle unicamente aos grupos seleccionados antes do día 14 de abril.
9ª A cada un dos grupos seleccionados para participar outorgaráselle unha subvención de 700€ e un galardón conmemorativo da Mostra.
10ª Destes grupos, aquel que obteña mellor valoración do público asistente obterá un premio especial do público de 1000€.
11ª A organización desta Mostra resolverá calquera circunstancia que non estea prevista nestas bases.
12ª O feito de participar nesta Mostra, implica a aceptación de todas e cada unha das bases.