Un traballador faleceu esta tarde durante unhas manobras de remolque en augas próximas ao porto exterior de Ferrol. A vítima é un operario asturiano, de iniciais M.L.P. e 51 anos, tripulante da remolcador Ría de Vigo. O sinistro produciuse minutos antes das tres da tarde, cando se executaban as manobras de remolque do buque China Steel Developer, con bandeira de Taiwan, cara á rada de Caneliñas, onde estaba previsto o atraque para reparación. Ao parecer, unha peza do remolcador saíu despedida tras quedar enganchada polo cabo co que se realizaba a manobra. O operario recibiu o impacto, causándolle a morte de xeito instantáneo.