ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Ducias de traballadores concentráronse esta mañá fronte aos centros da multinacional da alimentación Lidl en Ourense en protesta polo despedimento dunha empregada acusada de roubar unhas papas para a súa filla. A empregada foi acusada de coller unhas “papas de cereais” de bebé para os seus fillos a última hora da tarde cando a caixa xa estaba pechada, polo que non puido facer efectivo o pago por un importe de 2,90 euros, “sendo intenci&
Dende a Confederación Intersindical Galega rexeitan a decisión da empresa por “inxusta, indecente e inmoral e anuncian que as protesta continuarán até que se chegue a un acordo que dignifique a profesionalidade dunha empregada con máis de 10 anos de antigüidade. As mobilizacións desenvolvéronse diante dos centros de traballo de O Fonsillón-Barbadás e Casardomato despois de que a compañía de alimentación rexeitase buscar unha saída negociada á situación. Dende a CIG de Ourense consideran desproporcionada e inmoral a actuación da multinacional alemá Lidl e lembran que a traballadora tiña contrato fixo e levaba 10 anos no centro de traballo da Valenzá.
O responsábel comarcal da federación de Servizos da CIG de Ourense, Carlos Vázquez, e o secretario comarcal da central nacionalista, Etelvino Blanco, censuran o que entenden como unha decisión totalmente desproporcionada e critican o feito de que non se teña en conta as razóns dadas pola traballadora, “que fora requirida pola súa nai para recordarlle que necesitaba a papa para darlle de cear ás súas fillas”.
Diante disto, dende a CIG denuncian o que consideran unha actuación inmoral da multinacional, que aproveitou esta situación para desfacerse dunha traballadora fixa que ao longo de 10 anos demostrou unha total profesionalidade e entrega ao seu traballo. “A pesar dos nosos intentos por intentar chegar a acordos coa empresa, a negativa da mesma ao diálogo fixo imposíbel atopar unha solución”.
Finalmente, anuncian que “ante o inxusto trato sufrido pola traballadora e dado que está en xogo a súa dignidade e o pan dos seus fillos seguirán coas mobilizacións contra a empresa até lograr un acordo que dignifique a profesionalidade da traballadora”.