ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
A Asociación Galega de Mariscadores/as (Agamar) amosa o seu apoio e súmase ás mobilizacións convocadas polas confrarías das rías de Muros – Noia que se opón á decisión da Consellería do Mar de trasladar as gaiolas experimentais para as crías de salmón en catividade dende a ría de Arousa ata o polígono de Muros.
Agamar considera que con esta medida a calidade das nosas augas resultará mermada e danada, polo seu nivel de contaminación, o que implicaría o estrago do hábitat porque contamina e dana o ecosistema debido o uso de antibióticos e produtos químicos.
A asociación pon coma exemplo Chile onde a pesca artesanal viuse gravemente afectada pola contaminación salmoneira. “Nesta rexión, onde máis de quince mil persoas, perderon a súa fonte de ingresos debido a imposibilidade de extraer recursos mariños libres de contaminación”, sinala. Situación, apunta, que demostra que persisten as malas prácticas que historicamente se están a levar a cabo na industria salmoneira onde xa queda demostrado que a autorregulación e autocontrol por parte das empresas non funciona.
Porén, demandan que se antepoña a preservación do medio mariño e non os intereses das multinacionais xa que máis de cinco mil familias viven da ría e estas gaiolas estragan o seu hábitat.