Alex Blanco é tamén guitarrista da cantante Rosa Cedrón, con quen colaborou grabando o seu primeiro disco “Entre dous mares”. Tamén compón música, pero á hora de subir ao escenario, por riba da inspiración, sinala que é fundamental o ensaio e a rodaxe.

Alex Blanco formou parte do grupo folc Eiravedra, compartiu escenario con Dani Bellón e Diego Maceiras con quen gañou o certame de grupos noveis Runas do Festival de Ortigueira e con quen viaxou a Lorient. Asimesmo forma parte de Smooth Criminal, banda de homenaxe a Michael Jackson, con quen actuou no pasado mes de setembro no Fenerock de San Valentín.