Antón Cortizas comezou na década dos anos 70 a escribir e describir os xogos dos rapaces e rapazas nas rúas e campos de Canido en Ferrol. Máis tarde, durante dous anos e algo, contou algúns deses xogos a través de Radio Fene. Aquel traballo serviu para que recuperase máis xogos e redactase mellor as explicacións dos que xa tiña, segundo asegura o profesor no limiar de Chirlosmirlos. Como Cortizas continuou o traballo despois do 2001, agora prepara xa o segundo tomo desta enciclopedia que intentará promover a recuperación da cultura do xogo e do pracer de xogar.