Defende por exemplo unha adecuación dos Servizos Sociais ao momento actual e propón a creación dun Centro de Recursos, a nivel comarcal, para atender as necesidades máis imperiosas da xente, como alimentación, roupa e mesmo pisos de alugueiro social.

Avanzou o candidato socialista que, de gobernar en Fene, revisarían a política fiscal que se veu aplicando dende que comezou a crise que fixo subir as taxas dun xeito esaxerado. Os socialistas actualizaránnas á baixa.
No apartado de cultura e ensino, o candidato socialista amósase máis aperturista. Aquí quere que as entidades e asociacións implicadas tomen parte no deseño das iniciativas.

Outro dos retos aos que facía alusión esta mañá Antón Noceda é pechar definitivamente o Plan Xeral de Ordenación Municipal porque as cousas cambiaron moito dende que empezou a súa revisión e Fene ten que deseñar xa o seu futuro.