ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Colectivos veciñais esixen que se regule a instalación de antenas móbiles en base ao principio de precaución que establece que deben ubicarse a máis de 300 metros dos núcleos habitados. Para informar das normativas existentes neste ámbito celebran esta tarde as 20:00 horas un acto informativo no Multiusos de Chapela.
Ante a alarma social que xera este tipo de instalacións e o compromiso do goberno municipal de crear un regulamento propio, entenden que a futura normativa debería “ter en conta as recomendacións da axencia europea de medio ambiente e ter como referente as normas de emisión máis esixentes adoptadas por países como Bélxica, Italia e Austria”.
A presidenta da asociación de veciños de Chapela Angeles Méndez lembra que dende o ano 2005 levan presentado numerosas denuncias e reclamacións esixindo que sexan retiradas as antenas existentes na parroquia, unha na Avenida de Redondela en Riofrío preto do colexio de Angorén e outras tres na Avenida de Vigo, unha das cales tamén se atopa situada preto doutro centro educativo, o colexio de Laredo.
Afirman os colectivos de afectados, ecoloxistas e asociación de veciños que o único borrador do proxecto de normativa reguladora da instalacións de infraestructuras radioléctricas existente no concello “é ilegal, xa que non contempla a aplicación do decreto autonómico polo que se regula a avaliación de incidencia ambiental aplicable as antenas de telefonía móbil”. Engaden ademais que ese borrador lonxe de limitar a instalación de antenas “o potencia, someténdose aos intereses económicos das operadoras, chegando a instalar antenas no mobiliario urbano da cidade sen ningunha limitación por proximidades a zonas habitadas”.