A Policia local confirma que a orixe do sinistro localízase nunha tenda de material deportivo que quedou completamente calcinada. Quedou cortada ao tráfico a avenida da Coruña á altura do número 165. O dono do negocio máis afectado, cifra en 100.000 as perdas rexistradas polo lume.

Actualmente están a traballar no lugar do suceso todos os efectivos de bombeiros dispoñibles, mentres que na rúa hai centos de persoas expectantes. Segundo unha testemuña, varias persoas pediron axuda desde as xanelas do edificio. A policía acordoou o lugar, cortando a Avenida da Coruña. Ao parecer, as explosións que se escoitan proceden de líquidos inflamables como aerosois que hai no interior dun establecemento, da firma Marathon, onde poderían terse orixinado as lapas.