Nesta ocasión os pequenos e pequenas ordenses poderán disfrutar dunha sesión dun divertido contacontos, na que o Paxe de Nadal Margarito contará dúas historias moi interesantes e divertidas. A actividade dará comenzo a partir das 19 horas e está dirixida a nenos e nenas de entre 3 e 8 anos. 

A primeira das historias que contará este contacontos tan especial será a titulada “A flor do Alilá”, e a segunda historia tratará sobre as vacacións de Papá Noel. 

Dende a concellería de Cultura, o edil José Ramón Vázquez Raña anima a todos os pequenos ordenses a que participen nesta actividade que servirá ademais para que moitos deles poidan coñecer as novas instalacións da biblioteca que agora está ubicada nos baixos da Alameda.