A Asociación de comerciantes e hosteleiros de Fene O Cruceiro celebrou asamblea de socios e ratificou os cargos principais da Xunta directiva que seguirá presidindo Mónica Cociña e na que actuará como vicepresidente, Jose Villares e de secretario, Juventino Rey. Os mesmos directivos, pero algúns cambios importantes aprobáronse, como por exemplo a creación do posto de Coordenador Asesor, unha figura necesaria nunha entidade que non para de medrar no numero de socios e nas suas necesidades.

Elexíuse para este novo cometido a Guillermo Lago, que se encargará do traballo administrativo e de tesoureria, do contacto coas institucións ou cos medios de comunicación e de poñer en marcha iniciativas como a paxina web :  www.ocruceiro.org ou o teléfono de atención ao socio.  A asociación contratou unha sección fixa na "Gaceta de Fene" ata fin de ano para colgar aí a publicidade e as propostas de O Cruceiro.

As iniciativas aprobadas ata o momento pasan pola campaña do Dia da Nai, no mes de maio e a II Feira multisectorial “Merca in Fene” que celebrarán no mes de  setembro cunha novidade: “vai de ruta por Fene” que pretende involucrar aos establecementos de hosteleria na propia feira.