“Mar e ferro”  pretende denunciar o prolongado proceso de desmantelamento dunha tradición de traballo -a construción e reparación de barcos- que se remonta catrocentos anos atrás. O sábado 15, ás 10,30 da mañá recibiranse aos máis de 30 artistas de toda Galicia que virán a plasmar nos muros de San Valentín a súa visión do mundo do mar e da construción de buques. Ao longo de todo o dia haberá actuacións musicais e ás seis da tarde proxectaráse o documental "Carga de dignidade" sobre a acción de protesta impulsada polo colectivo Radio Buguina.