Aumento das indemnizacións por despido

Aumento das indemnizacións por despido
15 de Outubro, 2020 - 02:23 h. | Publicada por Radio Fene

A dirección de Noa madeira creativa presentou esta mañá unha nova oferta aos traballadores despedidos da fábrica de Fene. Ante esa situación aprazouse o xuizo previsto para as nove e media desta mañá no Tribunal Superior de Xustiza na Coruña. A empresa ofreceu incrementar a indemnización dos 20 ata 30 dias por ano traballado.

ESCOITA O PODCAST:
Protesta contra os despidos en Noa madeira creativa. Fene

A asemblea de traballadores de Noa madeira creativa analisará esta nova oferta e adoptará unha decisión ao respeito. Polos problemas do coronavirus, está ainda sen fixar o local e o dia no que se celebrará a reunión.  De momento o grupo Malasa ofrece unha indemnización de 30 dias por ano traballado, en lugar dos 20 dias ofertados inicialmente, para os 64 empregados despedidos de Noa. Se non hai acordo, o xuizo reanudarase o dia 27. Quedan na fábrica de Vilar do Colo en Fene, 80 empregados dos que a maioria están incluidos na regulación de emprego, non ERTE. Aquí Malasa ofrece reducir de 15 a 12 meses a vixencia da medida, aplicalo con carácter rotatorio e que ningún traballador pase máis de seis meses no paro.

Sociedade

Publica o teu comentario agora