Bravas, o rexurdir da luz

Bravas, o rexurdir da luz
02 de Abril, 2019 - 05:50 h. | Publicada por Radiofusión

A Gramola Gominola presenta o vindeiro sábado 6 de abril o seu novo traballo de música infantil: 'Bravas. O rexurdir da luz'. A banda de rock ofrecerá un concerto  a partir das 19.00 horas dentro do XIX Salón do Libro Infantil e Xuvenil de Pontevedra, que se celebra no Pazo da Cultura. Trala estrea de Pontevedra, A Gramola Gominola presentará o novo proxecto o 21 de abril, ás 18.00 horas, no Teatro Colón da Coruña.

ESCOITA O PODCAST:

Paco Cerdeira e Paula Romero falan do novo disco de A Gramola gominola

http://173.255.131.18/audio/030419CERDEIRA.mp3

Paco Cerdeira en Radio Fene Radiofusión

O libro disco, o terceiro d'A Gramola Gominola editado dentro da colección Sonárbore da Editorial Galaxia, pon en valor ás Superheroínas que tratan de cambiar o mundo cos seus superpoderes. As protagonistas de 'BRAVAS. O REXURDIR DA LUZ', ilustradas por Iago Araujo, viven mil aventuras. A Megatronca, a Lebre Chouteira, a Superlingua, Paz, a Banda Pica Pica e moitas máis empregan os seus poderes para loitar contra o abuso escolar, defender a lingua, protexer a natureza e visibilizar as emocións... Estas son as BRAVAS, mulleres que inspiran e dan luz ao mundo! A Gramola Gominola nace en 2015 como unha banda de auténtico Rock&Roll en galego para público cativo. Eles son Paco Cerdeira (Pakolas, Zenzar), Paula Romero (De Vacas, Coro Encaixe), Anxelo de Xermar (Festicultores Troupe) e Rodrigo Muñoz (Di elas, Lacón con Grelos). Premio Martín Códax da Música 2018 ao mellor grupo de música infantil, A Gramola Gominola ofrecerá unha xira de presentación chea de concertos rockeiros co público en pé e cornos en man!

 

Seguro que che interesa
Cultura

Publica o teu comentario agora