A denuncia formulada en decembro do 2008 polo entón rexedor, o socialista Iván Puentes, acusaba a Rivera Arnoso de falsedade documental e malversación por dispoñer dos cartos dunha subvención de forma ilícita, ao certificar a primeira fase dunha obra no Parque Castelao. Agora a Fiscalía solicitou o sobreseimento da causa, considerando probado que as certificacións aprobadas no seu dia se correspondian a unidades de obra executadas, pero non visibeis e a materiais xa acopiados.