Ceas de produtos do noso mar

Ceas de produtos do noso mar
30 de Decembro, 2020 - 05:44 h. | Publicada por Radio Fene

O proxecto Fene Mar Vivo II sorteará o próximo cinco de xaneiro 40 ceas para dúas persoas entre a clientela do comercio de Fene. A acción pretende promocionar os produtos do noso mar.

Ameixas da ría de Ferrol

O próximo día 5 de xaneiro procederase a realizarse mediante vídeo conferencia a través da Plataforma Zoom o sorteo das 40 ceas da campaña “O Sabor do Mar na túa Mesa”. Proxecto desenvolvido desde a Concellería de Promoción Económica de Fene e coa colaboración do Galp Golfo Ártabro Norte e a Confraría de Barallobre dentro do Proxecto FENE MAR VIVO II, no que se promocionou o consumo de produtos de calidade e proximidade, ao natural ou transformados nos fogóns dos restaurantes de Fene. As 40 comidas e ceas para dúas persoas valoradas en 70 euros, serán sorteadas entre a clientela dos locais participantes, entre os que se atopan “A Casa da Avoa”, “O Encontro de Leo´s”, “ Beiramar”, “O Mesón de Feal”, “O Son de Cociña” e o “Bar Centro de San Valentín” e serán gozadas nos locais de hostalería que colaboraron no proxecto de degustación de produtos da Lonxa de Barallobre e a súa clientela co obxectivo de que se valore a súa calidade en comparación con outros produtos foráneos.

Sociedade

Publica o teu comentario agora