ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Xa van 29 edicións. Este sábado e domingo Sober celebra a Feira do Viño de Amandi. Vinte adegas instalarán os seus stands de venda de viño na Praza do Concello. Unha carpa acollerá aos visitantes e habilitaráse un servizo de transporte gratuito desde Monforte. As Cantareiras de Ardebullo, Nucha e Mucha, pronunciarán o pregón.
Ademais do viño tamén estarán presentes na feira outros productos típicos do concello como a oleiría de Gundivós entre outras pezas artesanais.
Este ano tamén se contará cun servicio de transporte gratuíto dende Monforte e nas inmediacións da feira ubicaranse varios urinarios públicos. O recinto feiral estará instalado, como ven sendo habitual, na praza do concello baixo unha carpa que acollerá ós visitantes e funcionará como medida preventiva ante posibles inclemencias climatolóxicas.
O cartel anunciador da XXIX edición da Feira do Viño de Amandi contará este ano cunha obra elaborada por Iván González Pérez, un rapaz de 13 anos e natural de Gundivós que actualmente cursa 2º de ESO e dende hai anos síntese atraído pola pintura e o debuxo.
Debido a súa corta idade inda non tivo ocasión de participar en exposicións pero acude case diariamente a clases de pintura. A súa debilidade son as paisaxes e no cartel da feira fusiona esta temática da Ribeira Sacra co viño. A pintura destaca pola intensidade das súas cores e por unha peza de oleiría tradicional que centra o cartel realizada a carboncillo.
Marcos Pereiro e José Touriñán, interpretando a Nucha e Mucha, mais coñecidas por Cantareiras de Ardebullo, serán os encargados do pregón nesta vixésimo novena edición da Feira, segundo anunciou o rexedor local. Os dous cómicos e actores de Culleredo manteñen unha importante audiencia tódolos venres no programa da TVG Luar e actualmente iniciaron xa unha xira que levará o seu espectáculo por toda Galicia.
Festival De Bandas.
O sábado día catro terá lugar a partir das seis da tarde o IV Festival de Bandas do Concello de Sober coa participación das Bandas de Ribadeo, Boiro e do municipio organizador.
Durante o concerto, que se celebrará no recinto feiral, interpretaranse distintas pezas contemporáneas e rematarán coa xota adicada o viño de Amandi do compositor ourensán Felisindo Pérez Seara.