O catedrático de Literatura realizou diversas investigacións e escribiu varios libros sobre ludus e deporte, e foi organizador de congresos nos que participaron deportistas xunto con académicos. A súa conferencia incluirá, por exemplo, a análise da figura de Luis Buñuel, como boxeador, ou de Rafael Alberti, autor do poema Oda a Platzo.

No marco deste ciclo de conferencias exploraranse outros aspectos que vinculan a cultura e o deporte, en disciplinas como o cine ou a arte. Así, diversos expertos analizarán a arte de documentar no eido do cine e o deporte, a figura de Maruja Mallo ou o corpo e a arte en movemento.