Os delegados e delegadas do Comité de Empresa da Residencia Mixta de Ferrol piden que non se lle renove a comisión de servizos ao director, acordada polo actual goberno da Xunta. Esgrimen unha falla total de diálogo e capacidade de negociación cos traballadores e usuarios e inoperancia na xestión de problemas cotiás. Ademais cúlpano do deterioro das instalacións e do abandono total do centro durante o verán. Desde a CIG, critican a designación a “dedo” deste cargo e responsabilizan á conselleira de Traballo, Beatriz Mato.