Unha historia inseparábel da explotación turística da illa da Toxa: o brutal contraste entre os visitantes da alta burguesía e a poboación autóctona miserábel, os intentos de controlar o negocio das colareiras por parte das concesionarias turísticas e o lento e inacabado proceso de regulación da actividade por parte do concello. Polo medio está tamén a historia de Galicia: as iniciativas para industrializar e comercializar a artesanía das cunchas, a guerra civil e as súas consecuencias, as estratexias de supervivencia de moitas familias e a importancia do traballo feminino, case sempre ignorado ou desprestixiado.