Comezan as actividades da nova mostra do Museo Provincial de Lugo

Comezan as actividades da nova mostra do Museo Provincial de Lugo

22 de Setembro, 2009 - 12:00 h. | Publicada por Radio Lugo

Hoxe, a partir das 19.30 horas, póñense en marcha as visitas comentadas á exposición do Museo Provincial de Lugo “Xoias Tradicionais do Museo Provincial de Lugo”  coa primeira das mesmas, a cargo da propia comisaria da mostra, Mª del Rosario Fernández González . Este servizo da institución cultural luguesa está dirixida a todos aqueles que teñan interese en acudir á exposición

Desde o Museo lémbrase que os grupos escolares, tanto de E.P., E.S.O., B.A.C. e Ciclos, que estean interesados na visita deben concertala previamente no Departamento de Didáctica do Museo ou a través do teléfono: 982 24 23 00.

 

 

Obradoiro: A Maxia dos ourives

Aqueles pais e nais  que teñan interese na asistencia dos seus fillos ao obradoiro “A maxia dos ourives”, destinado a nenos e nenas de 5 a 8 anos e de 9 a 13 anos, en horario de 11.30 a 13.30 horas, deben inscribilos previamente no mesmo Departamento de Didáctica do Museo,  ou ben no citado número de teléfono: 982 24 23 00.

 

Estas dúas actividades forman parte do programa complementario da exposición Xoias Tradicionais do Museo Provincial de Lugo,  que vai permanecer aberta ao público na súa Sala de Exposicións ata o 15 de novembro.

Cultura
  • 127 lecturas