A filosofía é a mesma que tiña Somos Fene cando se presentou hai catro anos. En palabras de Bastida, a lista ten novidades pero en esencia moitos candidatose candidatas érano na anterior convocatoria. Quere significar o cabeza de lista de Compromiso por Galicia que o seu obxectivo prioritario é Fene e non as directrices de partido. “En Lalín ou en Muros podemos atopar os referentes da maneira libre de facer política esta formación", afirma o candidato fenés.

Non aparece na candidatura César Castro por razóns profesionais, no seu lugar está unha muller de Vilanova- Sillobre da que nos fala na entrevista. A experiencia de goberno e iniciativas que están por desenvolver son a bandeira programática de Compromiso por Galicia. Bastida cita o cine Adriano ou a Casa de Cela como proxectos de futuro que poden aportar a Fene unha singularidade que saque a este concello do ostracismo.