ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Sendo tantos e sendo un deporte de contacto, o coronavirus fixo mella nos adestramentos e competicións de baloncesto. O club Costa Ártabra comezou sen máscaras, así o permitían os protocolos gobernamentais, pero tiveron que pasar a adestrar e competir con ela.
O Club Baloncesto Base Costa Ártabra naceu en 2016, bastante novo, pero ten 26 equipos federados e un total de 280 xogadores e xogadoras. Jorge Juan, leva dous anos como xogador do filial masculino mais tamén é adestrador do equipo mini feminino de Liga Galega e axudante no infantil masculino.
Dende o club teñen claro que o máis importante, ademais de fomentar o deporte non só entre os máis pequenos, son os valores e todo o que se pode aprender do traballo en equipo. Como Jorge explica “os nenos non só aprenden no colexio, nós tamén somos un referente”. Aquí se asentan os principios e os valores dun ente que ten equipos en liga estatal.
A responsabilidade sanitaria, agora, compártena cos pais. O Costa Ártabra conta cunha relación forte e consolidada con todos os membros e consideran “esencial” ese apoio dende as casas. Mentres que eles cumpren con todos os requisitos sanitarios dentro das canchas, os xogadores teñen a responsabilidade de, por exemplo, controlar as temperaturas para facer das pistas un lugar seguro.
Todos os equipos de competición teñen a matricula aberta. Todos os nenos entre 3 e 17 anos aínda están a tempo de coñecer todo o que promoven dende o club. Actualmente adestran en FIMO (A Malata), no Pabellón Municipal “Javier Gómez Noya (Caranza), na Casa do Deporte (Caranza), no Pabillón Municipal de Esteiro (Ferrol) e no CEIP Ponzos (Ultramar).
O traballo en equipo, a identidade colectiva ou un uso deportivo do tempo de lecer. De xeración en xeración, os que un día foron ou aínda seguen sendo xogadores son tamén adestradores.
Publica o teu comentario agora