ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Coa chegada do Nadal o Concello de Ordes puxo en marcha, a través da concellería de Educación, Mocidade e Discapacidade, que dirixe a concelleira Silvia Marín, unha nova edición do programa “Conciliar será fácil e divertido”. O programa arrincou o pasado día 23 de decembro e participan máis de medio cento de nenos e nenas ordenses.
Trátase de actividades dirixidas aos pequenos do municipio nas mañás das vacacións de Nadal, co fin de facilitar a conciliación da vida laboral e familiar das familias, á vez de que os nenos e nenas participantes teñan un tempo de diversión e ocio con xogos e obradoiros.
As actividades terán lugar ata o 7 de xaneiro en horario de 9 a 14 horas e están dirixidas a nenos e nenas escolarizados en educación infantil ou primaria no curso 2010/2011, que deberon realizar a súa inscrición con anterioridade.
Non é a primeira vez que se leva a cabo este programa de actividades de conciliación, que ademais de celebrarse no Nadal tamén organiza o Concello de Ordes noutras épocas de vacacións escolares como a Semana Santa e o verán. Tal e como explicou a concelleira, Silvia Marín, con estas actividades “procuramos facilitar ás familias ordenses a conciliación entre o traballo e a vida familiar nuns días nos que os pequenos teñen vacacións escolares o que dificulta aos pais o seu coidado ao ter que compaxinalo co seu traballo”.