Unha das promotoras da iniciativa, Aída Pérez, de Paz e Desenvolvemento, contou a Radiofusión que as mulleres sufren en maior medida que os homes o risco da exclusión social. Así as cousas, a través da publicación quérese poñer de manifesto a necesidade de que a perspectiva de xénero forme parte indivisible da acción das oenegués. Pérez coida que as organizacións xa posúen a conciencia de atender aos problemas das mulleres, pero que o deben explicitar tanto nos seus esquemas operativos como na forma de pensar e expresarse.