ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
De como a contracultura e os movementos revolucionarios acaban convertidos en produtos de última moda.
En “A conquista do cool. O negocio da cultura e a contracultura e o nacemento do consumismo moderno” Thomas Frank demostra como os movementos revolucionarios son deglutidos polo capitalismo ata convertelos en moda.
Antes de afondar no libro recomendado esta semana, o profesor Noel Blanco explícanos quen é Thomas Frank, xornalista e historiador “ao que lle gusta levar a contraria”. Escrebe sobre política e é un dos grandes críticos, dende a esquerda, do partido demócrata nos EEUU. Este libro é a súa tese de doutoramento e nace dunha observación, afirma Blanco; “todos os movementos artísticos de vangarda desde os anos 20, a contracultura dos 60, convértense en marcas e comercialízanse rapidamente. “Perden a súa esencia de contestación política moi pronto. Thomas Frank pregúntase porqué sempre pasa isto?”.
Recíclanse os movementos nacidos contra o sistema e convértense nunha marca que podes comprar. O sistema acaba deglutindo a cultura que nace contra del. Acaba encerrada nunha camisola: véxanse exemplos como Los Ramones, Frida Kalo ou o Che. Para Thomas Frank, a industria da publicidade é a creadora de fantasías ideolóxicas, a que ten ese papel de transferir todo produto transgresor a un estilo de vida. As camisetas con mensaxe son a última moda pero hai moitísimos mais produtos de uso cotián. Hai unha retro alimentación permanente.
Traducido en termos políticos, o que lle interesa ao autor estadounidense é demostrar como o partido demócrata perdeu a conexión co pobo e acabou representando á clase capitalista, ás corporacións e aos profesionais. Pensa Frank que neste momento a especificidade da comercialización da contracultura é a que crea esa cultura aspiracional dos 80 que vai desembocar no neoliberalismo. En palabras de Noel Blanco, “A conquista do cool ten momentos moi graciosos como cando o autor se pregunta como é posible que os hippies que saíron da Universidade acaben representando a rapacidade do capitalismo máis forte?”
Publica o teu comentario agora