ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
A manifestación contra os recheos na ría de Vigo sairá ás 19:00 horas deste sábado dende a Praza dos Cabalos para rematar na Autoridade Portuaria. O colectivo iniciou xa os trámites para recorrer pola vía contencioso administrativa os proxectos de ampliación do porto de Vigo.
Uns proxectos que veñen a sumarse a outros realizados anteriormente como o que se realizou o ano pasado en Pescanova e que supuxo gañarlle ao mar 25.000 m2 segundo o voceiro da plataforma Xosé Reigosa quen afirma que todas estas actuacións están a provocar a destrución dun dos ecosistemas mías ricos do mundo cun importante aproveitamento económico.
Responsabilizan de todos estes proxectos á autoridade portuaria de Vigo, principal promotora das ampliación portuarias e dos portos deportivos, "única empresa inmobiliaria que pode crear terreos en primeira liña de mar".
Ademais de na rúa, con mobilizacións como a do vindeiro sábado,a plataforma actúa tamén nos xulgados e ven de iniciar os trámites para recorrer pola vía contencioso-administrativa as resolucións da Autoridade Portuaria de Vigo polas que autoriza as ampliacións dos peiraos de Bouzas, Areal e Trasatlánticos. Os argumentos xurídicos son os mesmos que se recollen na recente sentencia do Tribunal Supremo que declara ilegal un aterrado en Marín por terse realizado sen contar con Plan de Usos, unha sentencia que segundo Reigosa senta xurisprudencia e pode aplicarse tamén no caso do proxecto do departamento que dirixe Corina Porro.
A manifestación comezará ás 19:00 horas na praza dos cabalos e rematará na autoridade portuaria de Vigo. Posteriormente, ás 23:00 horas haberá un concerto solidario na Sala Farándula na rúa Churruca.