BNG

O portavoz do Bloque xustificou a presentación da iniciativa como un xeito de apoiar aos traballadores de Fene, un concello que sosporta unha situación de desemprego moi importante. Manuel Polo xustifica a folga afirmando que os traballadores teñen que rebelarse a ser  os pagános da crise.

PSOE

Os socialistas piden expresamente aos traballadores-as de Fene que secunden a folga, a única baza que temos de salvar os nosos dereitos. Antón Noceda afirmou que na Reforma do PP nada é temporal e que , aproveitando a crise, recortan dereitos dun xeito permanente e desregularizan o mercado laboral.

EU

A concelleira de EU, Mª Carmen Martínez, rebatiu os argumentos que se esgrimen en contra da folga do estilo “o país non está para folgas” , afirmando que só a mobilización pode frear a Reforma, unha reforma que non vai crear emprego e que só ataca aos máis débiles, que sempre empeza por abaixo.  Está convencia   Mª Carmen Martínez que a folga servirá para algo.

PP

A portavoz do PP, único grupo que se manifestóu contrario á folga, argumentou que o goberno central nunca dixo que coa Reforma se ía crear emprego. Manifestou a sua confianza no goberno central e o seu respecto pola folga como un dereito dos traballadores, pero Rocío Bértoa cré que nestes tempos difíciles non é o momento de folgas. Como resultado da votación, a corporación de Fene apoia a Folga do 29 de marzo.