Diante do monolito adicado á figura do nacionalista Francisco Allegue no Parque Castelao de Fene ( Parque da Galaxia Imaxinaria) celebraráse a homenaxe. Tratáse dun acto político pero tamén conta coa súa nota emotiva. Intervirá o novo Voceiro Nacional do BNG, Guillerme Vázquez quen falará da figura de pancho e da pegada que deixou no noso concello. Segundo o Voceiro do Grupo Municipal do BNG de Fene, Manuel Polo, a participación de Vázquez no acto, dá constancia da relevancia do concelleiro finado e da importancia da formación nacionalista fenesa.
Polo, destacou esta mañá en Radiofusión, as loitas históricas de Pancho. A loita pola reactivación de Astano e polo levantamento do veto para a construcción de barcos para o estaleiro. A loita polo emprego, preocupacións vitais nas que deixou a vida o nacionalista.
A lectura de poemas por parte do Obradoiro de Fene, a música das Cantareiras Xirifeiras de Airiños de Fene porán a pincelada emotiva. Música e poesía para honrar a un home cargado de futuro.
Manuel Polo lembrou o gran esforzo de Allegue para que os xóvenes feneses se formaran nos talleres ocupacionais. A loita dos anos 80 e 90 para que Astano mantivera carga de traballo. Un exemplo da labor das primeiras corporacións nacionalistas e que mañá estarán presentes máis que nunca no recordo a Pancho. Unha mostra de compromiso que “ temos que seguir”, asegurou Polo.
A participación cidadán é fundamental no acto. Non en balde foron as asociacións veciñais as que colocaron a praca de bronce no monolito en lembranza ao concelleiro. Polo, convida a todos os veciños, sexan ou non nacionalistas, a acudir e ter uns minutos de recordo a unha figura relevante durante moitos anos no noso concello.
Tras a homenaxe, o BNG comarcal reuniráse pola tarde en Fene, convertíndose o concello durante a xornada no centro do movemento da formación nacionalista. Música, poesía, política, mesturánse na homenaxe a un guerreiro a prol dos seus ideais, a un home comprometido co país e por riba de todo a unha gran persoa.
