Unha oportunidade tamén este directo para facerse con Achegaivos Feligreses. O disco está editado por Falcatruada, gravado nos estudos de Pablo Vega en León e masterizado nos Abrigueiro de Friol.

Non obstante, a achega musical dos Cuchufellos non remata coa publicación deste traballo, xa que este ano poderemos gozar da primeira edición do Festival A Rebusca, organizado pola banda. Aseguran que atoparemos boa música. De momento están confirmados Musarapas, Ultraquäns, Cé Orquestra Pantasma e os propios anfitrións e, como non, celebrarase na súa vila natal, Manzaneda. Será o 21 de novembro e á boa música unirase a artesanía, un xantar popular e xogos tradicionais. Antes, o 24 de outubro pasarán por Vedra e o 31 por Monfero, convidados polos Papaqueixos.