“O can é teu, pero o concello é de todos”. Lema da nova campaña de concienciación sobre a recollida dos excrementos dos cans que ten previsto levar a cabo a Concellería de Medio Ambiente.  “Conto que antes do Nadal poidan estar os carteis, que xa están na imprenta”. 

A campaña lembrará a obriga que teñen os propietarios de cans de retirar as deposicións das súas mascotas e tamén advertirá das sancións previstas. A Lei establece sancións por este motivo que van de 100 a 500 euros. “Espero que non sexa necesario aplicar a sanción, o que buscamos é concienciación”, remarcou a concelleira. “Hai parques, como o situado detrás do Concello no que pola mañá pasean os cans e pola tarde os nenos”, lamentou Mari Carmen Martínez, que ten recibido queixas de nais sobre o problema que supón a existencia dos excrementos.