Espadas fora interceptado esta fin de semana por axentes da Policía Local de Santiago cando durmía ao volante do seu automóbil, detido fronte a un semáforo. Ao espertalo fixéronlle a proba de alcolemia, na que deu un resultado positivo que triplicaba os niveis permitidos de alcol en sangue. O edil comunicou onte a través do seu partido que renunciará á acta de concelleiro e á candidatura do PP para as eleccións municipais, na que ocupaba o terceiro posto. 

Precisamente, o líder dos populares composteláns, Gerardo Conde Roa, anuncio que presentará dúas denuncias e solicitará a creación dunha comisión de investigación no Concello para depurar as responsabilidades arredor da filtración do expediente da detención do seu compañeiro de grupo. Logo da renuncia e do xuízo, as responsabilidades xurídicas e políticas de Espadas ficaron “depuradas”, afirmou Conde Roa. Non se pode dicir o mesmo, manifestou, da actuación “torticera” do Goberno local ao informar do atestado relacionado cun membro da oposición.