Os sindicatos da sanidade convocaron concentracións en todolos hospitais para solidarizarse coa enfermeira contaxiada por ébola. Os profesionais da sanidade pretenden denunciar así as deficiencias nos centros sanitarios para atallar o virus; demandan información e formación dos profesionais e reclaman responsabilidades. No hospital Arquitecto Marcide de Ferrol máis de 100 profesionais concentráronse na entrada do centro hospitalario ás 11,30h para denunciar a situación de indefensión diante do ébola. A presidenta da Xunta de persoal, Nuria González Cancelo, manifestaba que non é suficiente cun vídeo, que hai que practicar.

Aínda que o Meixoeiro de Vigo é o centro de referencia en Galicia, hai situacións que non permiten o traslado dun enfermo de ébola. Nuria González pratexounos un suposto, o dunha parturienta a punto de dar a luz que chega por urxencias ao CHUF e que ten o ébola. Ou o dun accidentado de tráfico que entra por urxencias.

Ata o día de hoxe nada se fixo no hospital ferrolán. En teoría a formación empezará esta semana, segundo a responsable da Xunta de Persoal, quen afirmaba que "As cousas teñen que cambiar moito para que deixemos de mobilizarnos". Quedan á espera de ver como evolucionan as cousas.